അതിരടയാളം

നിശ്ചയം!

ഞാനിതാ മൗനിയാകുന്നു

സംസ്ക്കാരത്തിന്റെ അതിരുകൾ

 അടയാളമാക്കി…

അടയാളം വെച്ച അതിരുകൾക്കപ്പുറം

കാലം കടന്നുപോകുമ്പോഴും  

തെളിയുന്നുണ്ടിന്നു ഇത്രയും

അടങ്ങാത്ത വാശികൾ

പച്ചയോടെ വേരുകൾ പിഴിതെറിഞ്ഞപ്പോൾ

ഒച്ചവെച്ചാളെ കൂട്ടിയില്ല

അതിരുകൾക്കപ്പുറം അവശേഷിച്ച ഒരേഒരടയാളത്തിന്

കാവലായി ഈ അതിരുകൾ.

ജീവിതത്തിന്റെ  ദൂരങ്ങളിലേക്ക്

ഇനിയുള്ള വാക്കുകളെ ഇത്രയും ചുട്ടുപൊള്ളിക്കുമ്പോഴും

അതിരുകൾക്കിപ്പുറം   ഞാൻ മൗനിയാണ്

നിന്റെ പേര് പറയാത്ത

 മണ്ണിന്റെഈർപ്പങ്ങളിലെക്ക്

നിന്നെ തിരയിളക്കാത്ത 

എന്റെ കടലിന്റെ ഓളങ്ങളിലേക്ക്

നിശ്ചയം!

ഞാനിതാ മൗനിയാകുന്നു…