ഒറ്റ നക്ഷത്രം

നിലാവും നക്ഷത്രങ്ങളും പോറിയ

ആകാശമാ ണ്   ഇന്നുമെന്റെ  അതിജീവനം

കടലോളം മുറിഞ്ഞ കിനാവുകളും

ചിതറിയ ചില വാക്കുകളുമാണ്

ഇനിയുമെന്റെ ദൂരം

അതിസൂക്ഷ്മകണങ്ങളിൽനിന്നു 

 ആ ഒറ്റ  നക്ഷത്രത്തിലേക്ക് പറക്കലാണ് ജീവിതം.

തകർന്നാലും

തകർന്ന ചിറകുകളിലെ

തൂവലുകളാണ് എന്നും എന്റെ  ഹൃദയം സൂക്ഷിച്ചിരിക്കുന്നത് .

എന്നാളും

ചില അദൃശ്യ കിരണങ്ങൾ എന്റെ വഴികളിൽ പതിയവെ

എനിക്ക് നടക്കാനുള്ള വഴി തെളിഞ്ഞുകാണാം...

ആ കിരണങ്ങളുടെ ജ്വാലയാവാം

 എന്റെ ഹൃദയത്തെ തൊടുന്നതും