Friday, 3 June 2016

പുറമ്പോക്ക്


നട്ട് വളർത്തി പടർന്ന് പന്തലിച്ചതൊക്കെയൂം
പുറംപോക്കിലാണെന്ന് നിന്ടെ വാദം 
എന്നാൽ നീ അവകാശം പറഞ്ഞതെല്ലാം
സ്വന്തമാക്കിയത് നിന്നെ ഊട്ടാനല്ല;മറിച്ച്
വെട്ടിനിരത്തി നിനക്ക് കൂടൊരുക്കാൻ
പിന്നെയും ബാക്കിയായവ വേരോടെച്ചുട്ടെരിച്ചത്
ഒരു സംസ്ക്രതിയുടെ പിടിവാശിയും
വീണ്ടും കിളിർത്ത് പൊങ്ങാതിരിക്കാൻ

Thursday, 2 June 2016

ഒറ്റ വര


അക്ഷരങ്ങളുടെ ചില്ലകൾ അടർന്ന് അടർന്ന്
 ഒരു ഒറ്റ വര മാത്രം
അതിജീവനം അസാധ്യമായ പിടച്ചിലുകൾ നേർന്ന് നേർന്ന്
  ഒറ്റവരക്കുള്ളിൽ മാത്രം...!!

Saturday, 12 September 2015

മൗനം

യുഗയുഗങ്ങൾക്കപ്പുറം തീർക്കുവാൻ     
 ഒരു മനോഹര മൗനവും
അറിയുമോ
അതിലൊതുങ്ങുന്നത് ഭൂമി മുഴുവനും അതിനുമപ്പുറം 
അതിൻറെ കേന്ദ്രമായി   എന്നുമെപ്പൊഴും
നിൻറെ ആകാശവും...
എൻറെ കടലും...
ചിലപ്പോൾ
 എത്ര മനോഹരം
ഭൂമിയിൽ പിറക്കുന്നതും
കാഴ്ചകൾ മേയുന്നതും
നോവായി നോവുന്നതും

പിന്നെ മരണമായി മായുന്നതും !

Wednesday, 25 March 2015

"ഇവിടെയുണ്ടു ഞാ
     നെന്നറിയിക്കുവാൻ
മധുരമാമൊരു
   കൂവൽ    മാത്രം മതി,

ഇവിടെയുണ്ടായി
    രുന്നു ഞാനെന്നതി
ന്നൊരു വെറും തൂവൽ
     താഴെയിട്ടാൽ മതി." 

Friday, 6 March 2015

ഓർമ്മ

പിന്നെയും പിന്നെയും
ഓർത്തെടുക്കുമ്പോൾ
ഓർമ്മകൾക്ക്
ഒരുമയുടെ ആകാശം
നക്ഷത്ര വെളിച്ചം
കടലോളം ആഴം
ഇനിയും ബാക്കി വെക്കുന്ന
ഓർമ്മകൾക്ക്
അതിരുകളില്ലാത്ത കഥകൾ
ഇനിയും ഉണ്ടാകുമല്ലോ!


മാപ്പ്

വിശന്ന് പിടയുന്ന പിടച്ചിലുകളെ
ദൈവം സ്വർഗം പണിത
ഞങ്ങളുടെ
വിസ്മരണങ്ങൾക്ക്
നിങ്ങൾ മാപ്പ് തരിക...

ജീവനും മരണത്തിനുമിടയിൽ
മരിക്കുന്ന ദാഹങ്ങൾക്ക്,
കുടിച്ചു വറ്റിക്കുന്ന 
ഇനിയുടെ അന്തമില്ലായ്മക്ക്

എന്നും മാപ്പ് തരിക...

Tuesday, 18 February 2014

മറുവാക്ക് പറയാത്തത്

ഇഷ്ടപെടലിന്റെ തുഭേദങ്ങൾ
എന്നും തിരിച്ചറി ഞവളാകയാൽ
ഞാൻ നിന്ടെ ഇഷ്ടപെടലിന്
ഉത്തരം പറഞ്ഞതില്ല
നീയങ്ങു ചോദിച്ചതുമില്ല
എങ്കിലും
നിന്റെ
ആലില പോലെ നനുത്ത സ്പർശമുള്ള
വളരെ ചെറിയ ചില വാക്കുകൾ
മറുവാക്ക് തേടാതെ
എന്റെ ആത്മാവിന്റെ സൂക്ഷ്മകണങ്ങളിൽ
വീണ്ടും പുനർജനിക്കുന്നു...    
നീയറിയാതെ
പുനർജനിക്കുന്ന എന്റെ വാക്കിന്റെ മൗനം
എനിക്കും നിനക്കുമിടയിലെ നിശബ്ദതയെ
എത്ര മനോഹരമാക്കുന്നുവോ
മറുവാക്ക് പറയാതെ  
അത്രമാത്രം നിഷ്കളങ്കവുമാക്കുന്നു ...